Certifikatë / Diplomë profesionale në kualifikimin 2 vjeçar në "Estetikë e Avancuar"

Ky program studimi ka si objektiv kualifikimin profesional në “Estetikë e Avancuar”, sipas Nivelit V të Kornizës Shqiptare të Kualifikimeve (KSHK), referuar Nivelit V të Kornizës Europiane të Kualifikimeve, e njohur në Shqipëri dhe Europë, që përfshin formimin teorik dhe profesional të thelluar të studentit në fushën e estetikës. Ky kualifikim synon që pas dy vitesh studimi, studenti të jetë plotësisht i aftë, për të punuar në qendra estetike si profesionist i kualifikuar në shkallën më të lartë, dhe gjithashtu synon të pajisë studentët me aftësinë për të mësuar gjatë gjithë jetës njohuritë /metodat më të fundit inovative në fushën e Estetikës.

Përfundimi me sukses i kualifikimit profesional në “Estetikë e Avancuar”, Niveli V në KSHK, e pajis individin me diplomën e punonjësit të kualifikuar në këtë drejtim.
Studentët pajisen me njohuri të thelluara teorike dhe aplikative në fushën e estetikës, dhe përkujdesjes dhe përmirësimit të imazhit fizik të grave dhe të burrave. Kjo u realizua përmes orëve teorike dhe praktike të mjaftueshme për çdo lëndë, të cilat përmbushën qëllimin e përvetësimit të plotë të profesionit.

Studentët pajisjen me njohuri shumë të vlefshme mbi përdorimin e një game të gjerë pajisjesh elektrike estetike për fytyrën dhe trupin. Kjo gjë i bën ata të gatshëm për tregun e punës vendas dhe të huaj.

Objektiv tjetër i këtij programi është pajisja e studentëve me njohuritë/praktikën për metodat më të fundit europiane dhe botërore në fushën e estetikës dhe bukurisë.