Në Qendrën Multifunksionale “New Generation”, lëndët e formimit bazë, zhvillohen nga pedagogë me tituj shkencorë dhe me eksperiencë shumë vjeçare duke e konsideruar këtë formim si shumë të rëndësishëm në aftësimin e tyre profesional. Lëndët e formimit profesional, zhvillohen nga pedagogë të cilët kanë kryer studimet e tyre në Europë, duke u dhënë kështu studentëve, atë çka ata aspirojnë, formatin perëndimor. Pedagogët e huaj në lendët e formimit profesional, kanë një frekuencë çdo dy muaj me mësimdhënie në formën e leksioneve dhe orëve praktike Qendra Multifunksionale “New Generation” i ka kushtuar rëndësi përzgjedhjes së stafit akademik, duke patur synim formimin e plotë shkencor dhe profesional të studentëve. Kombinimi i pedagogëve vendas dhe të huaj realizon një edukim me trend të theksuar europian. New Generation synon për marrëdhënie afatgjata me stafin akademik duke e parë atë si garanci për krijimin e një tradite për realizimin e misionit.