Certifikatë / Diplomë profesionale në kualifikimin 2 vjeçar në "Parukeri e Avancuar" 

Ky program studimi ka si objektiv kualifikimin profesional në “Parukeri e Avancuar”, sipas Nivelit V të Kornizës Shqiptare të Kualifikimeve (KSHK), referuar Nivelit V të Kornizës Europiane të Kualifikimeve, e njohur në Shqipëri dhe Europë, që përfshin formimin teorik dhe profesional të thelluar të studentit në fushën e parukerisë. Ky kualifikim synon që pas dy vitesh studimi, studenti të jetë plotësisht i aftë, për të punuar në sallonet e bukurisë si profesionist i kualifikuar në shkallën më të lartë, dhe gjithashtu synon të pajisë studentët me aftësinë për të mësuar gjatë gjithë jetës njohuritë /metodat më të fundit inovative në fushën e Parukerisë.

Përfundimi me sukses i kualifikimit profesional në “Parukeri e Avancuar”, Niveli V në KSHK, e pajis individin me diplomën e punonjësit të kualifikuar në këtë drejtim.
Studentët pajisen me njohuri të thelluara teorike dhe aplikative në fushën e parukerisë, dhe përmirësimit të imazhit të grave dhe të burrave. Kjo u realizua përmes orëve teorike dhe praktike të mjaftueshme për çdo lëndë, të cilat përmbushën qëllimin e përvetësimit të plotë të profesionit.

Objektiv tjetër i këtij programi është pajisja e studentëve me njohuritë/praktikën për metodat më të fundit europiane dhe botërore në fushën e parukerisë dhe bukurisë.